சங்கீதம் 23: 4  நான் மரண இருளின் பள்ளத்தாக்கிலே நடந்தாலும் பொல்லாப்புக்குப் பயப்படேன்; தேவரீர் என்னோடேகூட இருக்கிறீர்; உமது கோலும் உமது தடியும் என்னைத் தேற்றும்." 

  எல்லோரும் வாழ்க்கையில் புயல்களை எதிர்கொள்கிறார்கள். அச்சூழ்நிலைகள் நம்மை உணர்ச்சி ரீதியாகவோ அல்லது ஆன்மீக ரீதியாகவோ அசைக்கின்றன. சில நேரங்களில் புயல்களிலிருந்து உடனடியாக விடுவிக்கப்பட நமக்கு தேவையான நம்பிக்கை இருக்கிறது; சில நேரங்களில் புயல்களைக் கடந்து செல்ல நமக்கு நம்பிக்கை இருக்கிறது. ஆனால் நீங்கள் எந்த பாதையில் சென்றாலும், ஆண்டவர் உங்களுடன் இருக்கிறார் என்பதை நீங்கள் உறுதியாக நம்பலாம்.  

  இன்று, நீங்கள் ஒரு புயலில் சிக்கி கொண்டிருக்கலாம், வெளியேறும் வழியையும் அறியாது இருக்கலாம். பதில் என்னவென்று உங்களுக்குத் தெரியாமல் இருக்கலாம். நீங்கள் செய்ய வேண்டியதெல்லாம், தேவனே, என் எதிர்காலத்திற்கான ஒரு நல்ல திட்டம் உங்களிடம் இருப்பதாக எனக்குத் தெரியும். நீங்கள் எனக்கு முன் சென்று வழிநடத்துகிறீர்கள் என்பது எனக்குத் தெரியும்.  என்று அறிக்கையிட வேண்டும். 

  நீங்கள் எடுக்கும் ஒவ்வொரு அடியிலும், ஆண்டவர் உங்கள் வாழ்க்கையில் ஒரு வேலையைச் செய்கிறார் என்பதை அறிந்து கொள்ளுங்கள். அவர் உங்களுடன் இருக்கிறார் என்பதை அறிந்து கொள்ளுங்கள். அவர் உங்களை ஆறுதல்படுத்துவார். முன்னோக்கி நகர்ந்து, புயல் வழியாக அவர் உங்களுக்காகத் தயாரித்த வெற்றியின் இடத்திற்குச் செல்லுங்கள்! 

  அன்பான பரலோகத் தகப்பனே, வாழ்க்கையின் ஒவ்வொரு பருவத்திலும் என்னுடன் நடந்ததற்கு நன்றி. என்னைச் சுற்றி பாதுகாப்புக் கேடயமாக இருப்பதற்கும், எனக்கு முன்னால் சென்று வழியைத் தயாரித்தமைக்கும் நன்றி. இயேசுவின் பெயரில் நீங்கள் எனக்கு வைத்திருக்கும் வெற்றியை நோக்கி முன்னேறும்போது என்னை உங்களுடன் நெருக்கமாக வைத்து எனக்கு பலம் கொடுங்கள்! ஆமென்.